2Ch 12 | Ndebele | STEP | Kwasekusithi uRehobhowamu eseqinise umbuso, eseziqinisile , watshiya umlayo weN kosi , loIsrayeli wonke laye .

2 Chronicles 12

UShishaki uhlasela ilizwe lakoJuda

1 Kwasekusithi uRehobhowamu eseqinise umbuso, eseziqinisile ^a, watshiya umlayo weNkosi, loIsrayeli wonke laye ^b.

2 Kwasekusithi ngomnyaka wesihlanu wenkosi uRehobhowamu, uShishaki inkosi yeGibhithe wenyuka wamelana leJerusalema, ngoba babephambukile eNkosini ^c, 3 elezinqola ezingamakhulu alitshumi lambili labagadi bamabhiza abazinkulungwane ezingamatshumi ayisithupha; labantu babengelakubalwa abeza laye bephuma eGibhithe, amaLibiya ^d, amaSukhi, lamaEthiyophiya ^e. 4 Wasethumba imizi ebiyelweyo eyayingeyakoJuda weza eJerusalema ^f.

5 UShemaya umprofethi wasefika kuRehobhowamu ^g lezikhulu zakoJuda ezazibuthene eJerusalema ngenxa kaShishaki, wathi kubo: Itsho njalo iNkosi: Lina lingilahlile, ngakho lami ngililahlele esandleni sikaShishaki ^h. 6 Iziphathamandla zakoIsrayeli kanye lenkosi basebezithoba ⁱ bathi: INkosi ilungile ^j. 7 INkosi isibona ukuthi bazithobile ^k, ilizwi leNkosi lafika kuShemaya lisithi: Bazithobile; kangiyikubabhubhisa, kodwa ngizabanika isilinganiso sokukhululwa, lolaka lwami kaluyikuthululelwa eJerusalema ngesandla sikaShishaki ^l. 8 Kodwa bazakuba zinceku zakhe ukuze bazi inkonzo yami lenkonzo yemibuso yamazwe ^m. 9 Ngakho uShishaki inkosi yeGibhithe wenyukela eJerusalema, wathatha okuligugu kwendlu kaJehova lokuligugu kwendlu yenkosi ⁿ, wathatha konke; wathatha lezihlangu zegolide uSolomoni ayezenzile ^o. 10 Inkosi uRehobhowamu yasisenza izihlangu zethusi endaweni yazo, yazinikela ngaphansi kwesandla senduna zabalindi ababegcina umnyango wendlu yenkosi. 11 Kwasekusithi lapho inkosi ingena endlini kaJehova bafika abalindi bezithwele, bazibuyisela ekamelweni labalindi. 12 Isizithobile, ulaka lweNkosi lwaphenduka lwasuka kuyo ukuze ingayibhubhisi ngokuphelelelyo; futhi lakoJuda kwakulezinto ezinhle.

13 Inkosi uRehobhowamu yasiziqinisa eJerusalema, yabusa ^p. Ngoba uRehobhowamu wayeleminyaka engamatshumi amane lanye lapho esiba yinkosi ^q, wabusa iminyaka elitshumi lesikhombisa eJerusalema, umuzi iNkosi eyayiwukhethile phakathi kwazo zonke izizwe zakoIsrayeli, ukubeka ibizo layo khona. Lebizo likanina lalinguNahama umAmonikazi ^r. 14 Wasesenza okubi ngoba engalungisanga inhliziyo yakhe ukudinga iNkosi. 15 Lendaba zikaRehobhowamu ^s, ezokuqala lezokucina ^t, kazibhalwanga yini ezindabeni zikaShemaya umprofethi ^u lezikaIdo ^v umboni ^w mayelana lemibhalo yosendo ^x, lezimpi zikaRehobhowamu loJerobhowamu zonke izinsuku? 16 URehobhowamu waselala laboyise, wangcwatshelwa emzini kaDavida. UAbhiya indodana yakhe wasesiba yinkosi esikhundleni sakhe.